काठमाडौं । कोरोनाका कारण प्रदर्शन मिति बारम्बार पछि सरिरहेको कन्नड चलचित्र केजीएफ च्याप्टर २ को रिलिज गर्ने मिति तय भएको छ । जुलाई १६ मा रिलिज गर्ने तयारी गरिएको केजीएफ च्याप्टर २ २०२२ अप्रिल १४मा रिलिज हुने भएको हो ।

कोरोनाको दोश्रो लहरको कारण चलचित्र रिलिज हुन नसकेको चलचित्रका मुख्य नायक यशले आइतबार ट्विटरमार्फत चलचित्रको नयाँ मिति सार्वजनिक गरेका हुन् । चलचित्रका यो चलचित्र सन् २०२२ को अप्रिल १४ बाट रिलिज हुने जानकारी निर्माणपक्षले दिएको छ । चलचित्रमा यशको साथमा संजय दत्त र रविना टन्डनको मुख्य भूमिका छ ।

चलचित्रमा सञ्जय खलपात्रको भूमिकामा देखिएका छन् । चलचित्रको टिजर सार्वजनिक भैसकेको छ र दर्शकले यसलाई निक्कै मन पराएका छन् । कन्नड भाषामा बनेको यो चलचित्रलाई हिन्दी, तेलुगु, तमिल, मलयालम भाषामा पनि प्रदर्शन गरिनेछ ।

सन् २०१८ मा रिलिज भएको कन्नड चलचित्र ‘केजीएफ’ले दर्शकमाझ राम्रो प्रभाव पारेको थियो । केजीएफ च्याप्टर २ यसकै सिक्वेल हो ।