काठमाडौँ । परम्परागत रुपमा मनाउँदै आएको पर्व ‘गाईजात्रा’ आज विभिन्न कार्यक्रम आयोजना गरी देशभर मनाइएको छ । एक वर्षभित्र दिवंगत आफन्तको सम्झनामा आजका दिन गाई वा मानिसलाई गाईका रूपमा सिँगारी गाई जात्रा मनाउने प्रचलन रही आएको छ ।

उनीहरूलाई श्रद्धालुहरूले दूध, फलफूल, रोटी, चिउरालगायत खाने वस्तु दिने गर्दछन् । यसरी नगरपरिक्रमा गर्नाले वर्षभरि मृत्यु भएका व्यक्तिहरू गाईको पुच्छर समाई वैतरणी पार हुने धार्मिक विश्वास रही आएको छ ।

देशभर कोरोना भाइरस (कोभिड–१९)को महामारीका बीच काठमाडौँ उपत्यकाका विभिन्न क्षेत्रमा जात्रा मनाइएको छ ।