काठमाडौं । काठमाडौं उपत्यकामा निषेधाज्ञाको अवधि थप गर्न तीन जिल्लाका प्रमुख जिल्ला अधिकारीहरूको संयुक्त बैठक आज दिउँसो १ बजे बस्दैछ ।

यसअघि घोषित निषेधाज्ञाको अवधि आज राति १२ बजेबाट सकिँदै छ। काठमाडौंका प्रमुख जिल्ला अधिकारी कालीप्रसाद पराजुलीले आज दिउँसो १ बजे बैठक बस्ने जानकारी दिए ।

अबको निषेधाज्ञाको माडालिटी कस्तो हुन्छ भन्ने मेरोन्युजको जिज्ञासामा प्रमुख जिल्ला अधिकारी पराजुलीले अहिलेको जस्तै स्वरूप जाने संकेत गरे ।
हाल राति ८ बजेपछि पार्टी प्यालेस, होटल र पसलहरु बन्द गर्नुपर्ने र जारी स्वरूपअनुसार राति ८ बजेपछि निजी वा सार्वजनिक दुवै खालका सवारीसाधन चलाउन पाइँदैन छ ।