काठमाडौँ । संसदको शिक्षा तथा स्वास्थ्य समितिले कक्षा १२ को परीक्षा गराउन सरकारलाई निर्देशन दिएको छ । समितिले भौतिक रुपमा उपस्थिति भई परीक्षा गराउन निर्देशन दिएको हो ।

बैठकले जनस्वास्थ्यका मापदण्ड पालना गर्दै भौतिक उपस्थितिमा परीक्षा गराउन निर्देशन दिएको हो । परीक्षाहरू भइरहेकाले कक्षा १२ को परीक्षा सोहीअनुरुप गराउन निर्देशन दिएको हो ।

बैठकमा उपस्थित समितिका सदस्यहरुले स्वास्थ्य मन्त्रालय र शिक्षा मन्त्रालयबीचको समन्वयमा परीक्षा गराउन जोड दिएका हुन् । कोरोनाको संक्रमण बढेको भन्दै आगामी ३१ देखि हुने परीक्षा स्थगित भएको थियो ।