काठमाडौँ । कोरोना भाइरस (कोभिड–१९) संक्रमण रोकथाम तथा नियन्त्रण गर्न काठमाडौँ उपत्यकामा जारी निषेधाज्ञा आगामी भदौ १६ गतेसम्म लम्बिएको छ ।

आज बसेको उपत्यकाका तीन प्रमुख जिल्ला अधिकारी (सिडिओ)हरूको बैठकले साविककै आदेशलाई निरन्तरता दिँदै निषेधाज्ञा थप गर्ने निर्णय गरेको हो ।

यस्तै, बैठकले काठमाडौँ उपत्यकामा हुने परीक्षाहरूको बारेमा समेत नयाँ निर्णय गरेको छ । बैठकले सरकारले तोकेको मापदण्डअनुसार सबै प्रकारको परीक्षा भौतिक रुपमा उपस्थित हुन सक्ने जनाएको छ ।