काठमाडौँ । अमेरिकी राष्ट्रपति जो बाइडेनले अफगानिस्तानबाट आफ्नो सेना चाँडो फिर्ता गर्नु पर्ने बताएका छन् । आगामी अगष्ट ३१ गतेभित्र अफगानिस्तानबाट सेनाहरू फिर्ता गर्ने बताएका हुन् ।

राष्ट्रपति बाइडेनले अफगानिस्तानबाट चाँडो सेना फिर्ता नगरे तालिवानले हमला गर्न सक्ने बताएका छन् । ‘जति चाँडो हामीले हाम्रो सेना फिर्ता गर्न सक्छौँ, त्यति नै राम्रो हुन्छ,’ उनले भने, ‘अफगानिस्तानमा हाम्रा लागि हरेक पल खतरा रहेको छ ।’

राष्ट्रपति बाइडेनले तालिवानले दिएको अन्तिम समय अगष्ट ३१ गतेभित्र रेस्क्यू अपरेशन गर्नका लागि तीव्र रूपमा काम गर्नु पर्ने बताए । अफगानिस्तानमा संकट बढ्दै गएसँगै युरोपीय देशहरूले नेता बाइडेनमाथि दबाब दिँदै आएको छ ।

यसैबीच तालिवानका प्रवक्ता जविउल्लाह मुजाहिदले मंगलबार प्रेस विज्ञप्ति जारी गर्दै अफगानिस्तानबाट कोही नागरिकले देश छाड्नु नपर्ने बताएका छन् । एजेन्सी