काठमाडौँ । प्रहरीले झण्डै ३ किलो कोकिनसहित ३ जनालाई पक्राउ गरेको छ । उनीहरूको साथबाट २ किलो ९६६ ग्राम कोकिन बरामद गरेको प्रहरीले जनाएको छ ।

प्रहरीको लागू औषध नियन्त्रण ब्‍यूरोले आज पत्रकार सम्‍मेलन गरी तान्जानियाका नागरिक गेर्तुदे लियोनार्ड किमारोलाई सिन्धुलीको खुर्कोटबाट र अन्‍य दुई जनालाई काठमाडौंबाट पक्राउ गरेको जानकारी दिएको हो । उनीहरूको साथबाट उक्त कोकिन बरामद गरेको समेत प्रहरीले जानकारी दिएको छ ।

काठमाडौँबाट पक्राउ पर्नेमा दक्षिण अफ्रिकन नागरिक शिर्ले गामा, भारतीय नागरिक विजय सिंह रहेका छन् । उनीहरूको साथबाट फेला परेको कोकिनको नेपाली बजार मूल्य झण्डै ९ करोड नेपाली रुपैयाँ बराबर रहेको ब्‍यूरोले जनाएको छ ।

उनीहरुमाथि थप अनुसन्धान भइरहेको प्रहरीले जनाएको छ ।