काठमाडौँ । नेकपा एकीकृत सामाजवादी दल दर्ता गर्न निर्वाचन आयोगमा डोर्‍याएर पुगेका नेता प्रदीप नेपालले माधव कुमार नेपालको साथ छाडेका छन् । उनले सोमबार सामाजिक सञ्जालमा लेख्दै एकीकृत समाजवादी पार्टीबाट बिदा भएको बताएका हुन् ।

उनले माधव नेपाल पनि झेली भएको भन्दै साथ छोडेको बताए । तर, उनले एमाले अध्यक्ष केपी ओली शर्मासँग नजाने समेन बताएका छन् ।

उनले लेखेका छन्, ‘माधव कमरेड, म केपीसँग जान्न । किनभने तानाशाही प्रवृत्तिको म सधैं विरोधी हुँ । तपाई पनि झेली कुरा गर्न सिक्नु भएछ । बारम्बारको कुराकानीमा मैले जबज हुँदैन भने मेरो नाम नलेख्नुस् भनेको थिएँ । तर आखिरमा तपाईंबाट पनि मैले धोकाकै उपहार लिएर जानु पर्ने भो । बिदा ।’

नेता नेपालले माधव कुमार नेपालले पार्टी विभाजन गर्दा माधवको साथ दिएका थिए । तर उनले माधव नेपालले जबजको सिद्धान्त नमानेपछि साथ छाडेको बताएका छन् ।