काठमाडौँ । अफगानिस्तानका विद्रोही समूह तालिवानसँग २० वर्ष लामो युद्ध गरेका अमेरिकी सैनिक स्वदेश फिर्ता भएका छन् । अमेरिकी राष्ट्रपति जो बाइडेनले तालिवानसँग युद्ध अन्त्य गर्ने सम्झौता गरेसँगै अमेरिकी सैनिकहरू फिर्ता भएका हुन् ।

यसैबीच तालिवानले अगष्ट ३१ २०२१ सम्ममा सबै अमेरिकी सैनिक फिर्ता हुनु पर्ने भन्दै अमेरिकालाई अल्टिमेटम दिएका थिए । अमेरिकाले तालिवानले दिएको समय सीमाभन्दा एक दिन अगावै सबै सेना फिर्ता लगेको छ ।

अफगानिस्तानबाट अमेरिकी सैनिक फिर्ता भएसँगै तालिवानका लडाकुहरूले हवाई फायर गरी उत्सव मनाएका थिए । यस युद्धमा अफगानिस्तान, अमेरिकी गठबन्धन सैनिक तथा तालिवानले ठूलो मात्रामा धन जनको क्षति बेहोर्नु परेको छ । हेर्नुहोस् तस्वीरहरू…