काठमाडौँ । मोडल तथा कलाकार निशा घिमिरेको मृत्यु भएको छ । नर्भिक अस्पतालमा उपचाररत घिमिरेको बुधबार साँझ ६ः५१ बजे मृत्यु भएको अस्पतालले जनाएको छ ।

अस्पतालले विज्ञप्ती जारी गरी घिमिरेको मृत्युबारे जानकारी दिएको छ । अस्पतालको सीसीयूमा लगातार राखी उपचार गरिएको र नर्भिकले गरेका सबै प्रयासका बाबजुद मोडल घिमिरेको निधन भएको अस्पतालले बताएको छ ।

दुर्घटनामा घाइते भएकी निशालाई नर्भिक अस्पतालले २०७८ जेठ २७ गतेबाट निःशुल्क उपचार थालेको थियो । उपचारपछि पनि उनको स्वास्थ्य अवस्थामा सुधार आउन सकेको थिएन ।