काठमाडौं । नेपाली कांग्रेसले बनाएको महाधिवेशन कार्यतालिकाअनुसार भोलीबाट हुदै छ । तर रौतहटको निर्वाचन क्षेत्र नम्बर १ भित्रका वडाको क्रियाशील सदस्यतामा देखिएका विवाद अझै टुङगिएको छैन् ।

वडादेखि सिफारिस गरेर पठाएका करिब तीन सय जना नेतारकार्यकर्ताको नाम क्रियाशील सदस्यताको सूचीमा नपरेपछि जिल्ला सभापति कृष्णप्रसाद यादवसहितले बिहीबार बालुवाटार पुगेर प्रधानमन्त्रीसमेत रहेका सभापति शेरबहादुर देउवाको ध्यानाकर्षण गरेका छन् ।

सभापति यादव भन्छन् “रौतहटमा विधि विधानअनुसार वडाबाटै सिफारिस गरेकाहरूको नाम पनि क्रियाशीलको सूचीमा नरहेको हुदाँ आज पार्टी सभापतिलाई ध्यानाकर्षण गराएको हो ।”

सभापतिज्युले एक दुई दिनमै समस्या समाधान हुने बताउँनु भएको यादवले मेरोन्युजसँग बताए ।

कांग्रेसले भदौ १८ मा वडा अधिवेशन गर्ने भनेको छ। तर रौतहटसहित २१ जिल्लाका क्रियाशील सदस्यको सूची सार्वजनिक अझै भएको छैन।