काठमाडौं । राष्ट्रिय जनमोर्चाका दुई केन्द्रीय नेता पार्टीबाट निश्कासित भएका छन् ।

पार्टी हित विपरित कार्य गरेको भन्दै जनमोर्चाले पार्टीका केन्द्रीय सदस्य लालबहादुर जाग्री र केन्द्रीय सदल्लाहकार लोकेन्द्र लम्साललाई पार्टीबाट निश्कासित गरेको हो ।

पार्टी महासचिव मनोज भट्टकाअनुसार पार्टीको नीति, सिद्धान्त विपरित समानान्तर समिति गठन गरी फुटपरस्त काम गरेकाले उनीहरुलाई साधारण सदस्यसमेत नरहने गरी कारबाही गरिएको हो ।

यस्तै, सुदूरपश्चिम प्रदेशका राष्ट्रिय जनमोर्चाका अन्य तीन जना स्थानीय कार्यकर्तालाई पनि साधारण सदस्यसमेत नरहने गरी कारबाही गरिएको सो पार्टीले जनाएका छ ।