काठमाडौँ । चीनले नेपालसँग कुनै सिमा विवाद नभएको बताएको छ । चीनियाँ राजदूतवास शुक्रबार साँझ विज्ञप्ती जारी गर्दै नेपालसँग कुनै सिमा विवाद नभएको जनाएको हो ।

सन् १९६० को दशकको सुरुमा दुई देशबीच भएको मैत्रीपूर्ण सम्झौताकै बेलादेखि सीमा विवाद समाधान भैसकेको विज्ञप्तिमा उल्लेख छ । त्यसबेलादेखि नेपाल र चीनबीच सीमालाई लिएर कुनै विवाद नरहेको चीनियाँ राजदूतवासले जनाएको छ ।

चिनियाँ दूतावासका प्रवक्ता लुअन सिउतानले जारी गरेको विज्ञप्तीमा केही व्यक्तिगत शक्तिहरुले उचाल्न खोजे पनि नेपालको परराष्ट्र मन्त्रालयले विज्ञप्ति निकालेर स्पष्ट पारिसकेको उल्लेख छ ।

चीनले हुम्लासँग सीमा जोडिएको तिब्बतको सिजाङबाट नेपालतर्फ भूकम्प, बाढीपहिरो र महामारीजस्ता विपद्मा मानवीय सहायता प्रदान गरिराखिएको जनाएको छ ।

हुम्लाको नाम्खा क्षेत्रमा भएको सीमा विवादको विषयमा छानबिन समिति बनाउने सरकारको निर्णयप्रति चीनले आफ्नो प्रतिक्रिया जनाएको हो ।