काठमाडौँ । सिरहाको लहान नगरपालिका १९ कटहा चोकबाट प्रहरीले करिब ७५ लाख रुपैयाँ बराबरको औषधि भरिएको अटो गाडी बरामद गरेको छ ।

इलाका प्रहरी कार्यालय लहानबाट खटेको प्रहरी टोलीलाई देखेसँगै अटोलाई छाडेर चालक भागेका थिए । लु १ स ८००७ नम्बरको अटोमा जाँच गर्दा औषधि बरामद भएको प्रहरीले जनाएको छ ।

प्रहरीका अनुसार रिकल केटु–सेभेन १५ कार्टुन, ओथोकल ट्याब्लेट १० कार्टुन र केयरकल ट्याब्लेट औषधि ५ कार्टुन बरामद भएको छ । उक्त औषधिको मूल्य करिब ७५ लाख ५६ हजार ८ सय रुपैयाँ हुने गर्दछ ।

भारतीय बजारबाट भन्सार छलेर ल्याएको उक्त औषधीहरु र अटो विहान करिब २ बजे बरामद गरिएको प्रहरीले जनाएको छ ।