काठमाडौं । अस्वस्थ रहेको भनिएका नेकपा एमालेका अध्यक्ष केपी शर्मा ओली पार्टीको काठमाडौं महानगरको कार्यकर्ता भेलामा सहभागी भएका छन् ।

महानगरको कार्यकर्ता भेलामा सहभागी उनले माधव नेपाललाई कटु आलोचना गरे । उनले माधव नेपाल श्रम पचेको मान्छे भनेर आलोचना गरिरहँदा कार्यकर्ताले ताली पिटेका थिए ।

‘माधव नेपाल जस्तो शरम पचेको मान्छे दुनियाँमा कहिँ देखेको छैन’, ओलीले भने–‘जुन पिर्कामा बसेका थिए, त्यही पिर्का भाँचेका भाच्यै छन् । जुन मन्दिरमा गयो, त्यहि मन्दिरमा थुकेका छन् ।’

एमाले अध्यक्ष ओलीले माधव नेपाल आज मात्र नभई हिजो पनि पार्टीका नभएको आरोप लगाए ।

उनले धेरै वर्ष देखि विग्रिएका तत्वहरु पर्टीवाट वाहिरिएको र त्यसलाई पार्टी फुटको रुपमा लिन नसकिने उल्लेख गरे । त्यसलाई विग्रिएका तत्वहरु पार्टीबाट चोइटिएकोरुपमा ओलीले ब्याख्या गरेका थिए ।