काठमाडौं ।चिकित्सकहरुका अनुसार लक्षणका आधारमा कोभिड–१९ जस्तै देखिने भए पनि मौसमी इन्फ्लुएन्जा कोभिडजस्तो घातक भने नहुने बताउँछन् । यस्तो संक्रमण ३० भन्दा बढी कारणले देखिन सक्ने उनीहरूको भनाइ छ ।  शुक्रराज ट्रपिकल तथा सरुवा रोग अस्पतालका निर्देशक डा. अनुप बास्तोलाका अनुसार

कोभिड संक्रमण भएमा तीनदेखि पाँच दिनमा समेत लक्षण देखिन सक्ने हुन्छ भने मौसमी इन्फ्लुएन्जा एक्कासि लक्षण देखिने प्रकृतिको हुन्छ । यसरी एक्कासी ज्वरो बढ्ने, टाउको दुख्ने भएमा एन्फ्लुएन्जाको लक्षण भन्न सकिन्छ ।

“सामान्यतया यस्ताखाले भाइरल रुघाखोकी, इन्फ्लुएन्जालगायतले गम्भीर श्वासप्रश्वाससम्बन्धी समस्या ननिम्त्याउने भएकाले नेपालमा यसलाई सामान्य रूपमा लिने गरिएको छ । यस्ताखाले समस्या आफैँ निको भएर जाने भएकाले परीक्षण पनि कम हुने गरेको छ  ।”

उनका अनुसा कहिलेकाहीँ भाइरल रुघाखोकी भनेर परीक्षण नगराई बस्दा दुई हप्तापछि पनि गम्भीर समस्या देखिनसक्छ । पहिलो र दोस्रो लहरको कोभिड संक्रमणमा नेपालमा यस्तै अवस्था देखिएको थियो ।

ज्वरो आएको वा कोभिडसँग मिल्दोजुल्ल्दो लक्षण देखिएको तीन दिनसम्म पनि निको नभएमा कोभिड परीक्षण अवश्य गराउनुपर्छ ।

ताकि, एकैपटक गम्भीर समस्या नदेखियोस्, अहिले देखिएको भाइरल रुघाखोकी वा ज्वरो कोभिड संक्रमण हो वा होइन भनी घरमै बसेर पत्ता लगाउन नसकिने डा. बास्तोलाको भनाइ छ । कोभिडसँग मिल्दोजुल्दो लक्षण देखिएर तीन दिनभन्दा बढी बिरामी भएमा पीसीआर परीक्षण गराउन डा. बास्तोलाको सुझाव छ