काठमाडौँ । नेकपा एमालेका अध्यक्ष केपी शर्मा ओलीले नेपाली कांग्रेसले चुनाव लड्न आँट नगरेको बताएका छन् । मंगलबार पोखरामा कास्कीमा आयोजित वृहत कार्यकर्ता भेलालाई सम्बोधन गर्दै उनले यस्तो बताएका हुन् ।

सभामा बोल्दै ओलीले भने, ‘कांग्रेसले एमालेसँग चुनाव लड्ने आँट गरेको छैन, के लाग्छ तपाईहरूलाई ? माधव नेपालको प्युसो ।’ यस्तै, उनले एमाले समाप्त पार्न प्रदेशहरूमा विपक्षी दलहरूले मन्त्री बाँड्दै हिँडेको बताएका छन । उनले माधवकुमार नेपालको अगुवाइमा एमाले समाप्त पार्ने अभियान चलाइरहेको बताएका हुन् ।

यस्तै, तत्कालीन नेकपा (नेपाल कम्युनिष्ट पार्टी) हुँदा पनि प्रचण्ड र माधव नेपालले आफूलाई प्रधानमन्त्री र अध्यक्षबाट हटाएर पार्टी कब्जा गर्ने प्रयास गरेको बताएका थिए ।