काठमाडौँ । नेकपा एमालेका सांसदहरुले मिलेनियम च्यालेन्ज कर्पोरेसन (एमसीसी)बारे पार्टीको धारणा मागे गरेका छन् । बानेश्वरमा जारी संघीय संसदीय दलको बैठकमा सांसदहरूले एमसीसीबारे पार्टीको स्पष्ट धारणा मागेका छन् ।

उनीहरुले जनताको भावना अनुसार एमसीसीबारे निर्णय गर्नुपर्ने बताएका छन् । सांसद निरुदेवी पाल, विमला विक, जुली महतो, राजबहादुर बुढा, शिवमाया तुम्वाहाम्फे, भगवती न्यौपाने लगाएतले आफ्नो धारणा राख्दै एमसीसीबारे जनताको भावना अनुरुप निर्णय हुनुपर्ने बताएका छन् ।

यस्तै उनीहरुले सभामुख अग्नीप्रसाद सपकोटाको राजीनामा माग्नुपर्ने बताएको छन् । प्रतिनिधिसभाको अधिवेशन सुरु हुनुपूर्व बसेको संसदीय दलको बैठकमा सांसदहरुले राजीनामा माग्नुपर्नेमा जोड दिए । उनीहरुले आजको प्रतिनिधि सभाको बैठक अवरुद्ध गर्नु पर्ने पनि बताए । बैठकमा २५ जना सांसदहरूले आफ्नो सुझाव राखेका छन् ।