काठमाडौं । नेकपा एमालेका सांसदहरुले अवरुद्ध गरेका कारण राष्ट्रियसभाको बैठक पनि आधा घण्टाका लागि स्थगित भएको छ ।

वैठक शुरु भए लगत्तै एमाले सांसदहरुले नाराबाजी गर्दै वैठक अवरुद्ध गरेका थिए । नेकपा एमाले विभाजनको विषयलाई लिएर राष्ट्रिय सभामा पनि एमाले सांसदहरुले बैठक अवरुद्ध गरेका हुन् ।

एमालेबाट विभाजित भई निर्वाचन आयोगबाट नेकपा (एकीकृत समाजवादी) पार्टीको बैधानिकता पाइसकेका सांसदहरुलाई बैठकमा उपस्थित गर्न नहुने एमाले सांसदहरुको माग छ ।

एमाले सांसदहरुको अवरोधपछि बैठक आधा घण्टाको लागि स्थगित गरिएको हो ।

यसअघि आजै अपरान्ह बसेको प्रतिनिधिसभाको बैठक पनि एमाले सांसदहरुको अवरोधका कारण १५ मिनेटका लागि स्थगित गरिएको थियो ।