काठमाडौं । सत्ता गठबन्धन दलमध्येका तीन दलको वैठक उपेन्द्र यादवको निवास बालकुमारी ललितपुरमा वसिरहेको छ । बैठकमा जनता समाजवादी पार्टीका अध्यक्ष उपेन्द्र यादव, माओवादी केन्द्रका अध्यक्ष पुष्पकमल दाहाल (प्रचण्ड), नेकपा (एकीकृत समाजवादी) पार्टीका अध्यक्ष माधव नेपाल लगायतका नेताहरुको सहभागिता छ ।

विहान ९ वजेवाट तीन नेताले उपेन्द्र यादवको निवासमा छलफल गरेका हुन् ।

सत्ता गठवन्धनको नेतृत्व गरिरहेको काग्रेस र सरकारको सहयोगी बनेको राष्टिय जनमोर्चाका नेताहरु भने छलफलमा सहभागी छैनन ।
माओवादी केन्द्र दुई मन्त्रालय सहित सरकारमा सहभागी भईसकेको छ भने प्रधानमन्त्री शेरवहादुर देउवाले मन्त्रालय भागवन्डा र मन्त्रिपरिषद् विस्तारको नीति लिनेवित्तिकै सरकारमा जान जसपा र नेकपा (एस) तयार भउर वसेको छ।

उपेन्द्र निवासमा यही तीन दल अर्थात जसपा, माओवादी केन्द्र र नेकपा एकीकृत समाजवादीका अध्यक्षहरुको बैठक बसेको हो ।

बैठकमा सत्ता गठवन्धनभित्र देखा परेका समस्या, संसदमा प्रतिपक्षी एमालेले गरेको विरोध र देखाएको प्रर्दशन, मन्त्रिपरिषद् विस्तारमा भएको ढिलाई र विवादित वनेको अमेरिकी सहयोग नियोग मिलेनियम च्यालेन्ज कर्पाेरेसन (एमसीसी)का विषयमा साझा धारणा बनाउनका लागि छलफल केन्द्रीत भएको स्रोतको भनाई छ ।

एमसीसी उपाध्यक्ष फातिमा सुमार र सहायक उपाध्यक्ष जोनाथन ब्रुक्स राजनीतिक दलका नेताहरुसँगको भेटघाट गर्ने र नेपालमा एमसीसी पारित गराउने भूमिका निर्वाहका लागि काठमाडौं आइपुगेको सन्दर्भमा प्रमुख तीन दलले एउटै धारणा बनाउने र सोही अनुसार प्रस्तुत हुने योजनाका साथ पनि यो छलफल भएको हुन सक्ने अनुमान लगाइएको छ ।

एमसीसीमा उठेका प्रश्नहरुको सरकारले सोधेको जवाफ दिएर एमसीसी उपाध्यक्ष नेतृत्वको टोली काठमाडौंमा आईपुगेको छ । माओवादी केन्द्र र नेकपा एकीकृत समाजवादी यथास्थितीमै एमसीसी पारित गर्ने पक्षमा छैन । तर जसपा यो विषयमा मौन वसिरहेको छ । सत्ता गठवन्धनको नेतृत्व गरिरहेको काग्रेसले भने पारित गर्नुपर्ने पक्षमा लविङ गरिरहेको छ ।