काठमाडौँ । नेपाली कांग्रेसको आसन्न १४ औँ महाधिवेशन रोक्न सर्वोच्च अदालतमा परेको रिट खारेज भएको छ । कांग्रेसका महासमिति सदस्य एवं वागमती प्रदेशका सांसद नरोत्तम वैद्यले कोरोना महामारी नियन्त्रण नभएसम्म महाधिवेशन गर्न नहुने भन्दै रोक्न माग गरी गत १८ मा रिट दायर गरेका थिए ।

बिहीबार उक्त रिटमाथि सुनुवाईका क्रममा न्यायाधीश अनिलकुमार सिन्हाको एकल इजलासले रिट खारेज गरिदिएका हुन् । वैद्यले रिटमा महामारीका कारण महाधिवेशन गर्दा कोभिड–१९ को संक्रमण फैलिने भन्दै रोक्न आदेश माग गरेका थिए ।