काठमाडौँ । एमसीसी भ्रमण टोलिको दोस्रो दिन पनि राजनीतिक भेट्घात शुरु भएको छ । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डलाई भेट्न एमसीसी उपाध्यक्ष फातिमा सुमार खुमलटार पुगेकी छिन् । उनी केहीबेर अघि प्रचण्डलाई भेट्न खुमलटा पुगेकी बताइएको छ ।

प्रचण्डसँगको भेटमा उनले एमसीसी पारित गर्न आग्रह गर्नुका साथै प्रचण्डलाई एमसीसीबारे विश्वस्त गराउने छिन् । एमसीसी सम्झौता कार्यान्वयनको प्रगतिबारे बुझ्न बिहीबार काठमाडौं आएकी उनले एमाले अध्यक्ष केपी ओली, नेकपा एकीकृत समाजवादीका अध्यक्ष माधव कुमार नेपाल र जनता समाजवादीका अध्यक्ष उपेन्द्र यादव र डा. बाबुराम भट्टराईसँग भेट गरेकी थिइन् ।

उनले आज आज ४ बजे प्रधानमन्त्री शेरबहादुर देउवालाई समेत भेट्दैछिन् ।