काठमाडौँ । नेकपा एमालेको स्थायी कमिटी बैठक बस्ने भएको छ । शुक्रबार ४ बजे स्थायी कमिटी बैठक बस्न लागेको एमाले केन्द्रीय पार्टी कार्यालयका सचिव शेरबहादुर तामाङले बताए ।

बैठकमा विधान महाधिवेशनका दस्तावेजमाथि छलफल र नेताको कार्यविभाजन हेरफेर गर्न स्थायी कमिटी बैठक बोलाएको छ । बैठकमा विधान महाविधेशनमा प्रस्तुत हुने प्रस्ताव तथा तयारीको बारेमा छलफल हुने सचिव तामाङले बताए ।

स्थायी कमिटी बैठकले प्रस्तावमाथि छलफल गरी आवश्यक सुझावसहित केन्द्रीय कमिटी बैठकमा पेश गर्ने छ । एमालेको केन्द्रीय कमिटी बैठक असोज १ र २ गते बस्ने बताइएको छ ।

एमालेको विधान महाधिवेशन असोज ४,५ र ६ गते काठमाडौंमा हुँदैछ । यस्तै बैठकले स्थायी कमिटीका नेताको जिम्मेवारी हेरफेर गर्ने बताइएको छ ।