काठमाडौँ । सत्ता पक्षीय गठबन्धनको बैठक सुरु भएको छ । बैठक आइतबार प्रधानमन्त्रीको सरकारी निवास बालुवाटारमा सुरु भएको हो । बैठकमा मन्त्रिपरिषद विस्तार र संसदमा सत्तापक्षको रणनीतिबारे छलफल हुने बताइएको छ ।

सरकार बनेको दुई महिना पुग्न लाग्दा पनि मन्त्रिपरिषदले पूर्णता पाउन सकेको छैन । आजको बैठकले मन्त्रिपरिषद् विस्तारको बारेमा निर्णय गर्ने बताइएको छ । यस्तै संसद्लाई सञ्चालनबारे पनि बैठकमा छलफल हुने जनाइएको छ ।

एमालेले सभामुख अग्निप्रसाद सापकोटाको भूमिकामाथि प्रश्न उठाउँदै संसद अवरोध गरिरहेको छ । एमालको शनिबार बसेको स्थायी कमिटी बैठकले संसद अवरोध कायम नै राख्ने निर्णय गरेको थियो । यस्तै एमालेको आज बस्ने संसदीय दलको बैठकले आगामी दिनमा संसद्मा प्रस्तुत हुने रणनीति बनाउदैछ ।