काठमाडौँ । सत्ता पक्षीय गठबन्धनका नेताहरुको बैठक बिना सहमतिमा सकिएको छ । प्रधानमन्त्रीको सरकारी निवास बालुवाटारमा बसेको सत्ता पक्षीय गठबन्धनका शिर्ष नेताहरुको बैठकले मन्त्रिपरिषद विस्तारका विषयमा सहमिति जुटाउन सकेन ।

मन्त्रिपरिषद् विस्तारमा सहमति जुट्न नसक्दा मन्त्रिपरिषद विस्तारमा ढिलाई हुने भएको छ । नेपाली कांग्रेसका सभापति शेर बहादुर देउवा प्रधानमन्त्री भएको दुई महिना पुग्नै लाग्दा पनि मन्त्रिपरिषद् विस्तार हुन सकेको छैन ।

प्रधानमन्त्री देउवाले गठबन्धनका शीर्ष नेताहरूलाई आफ्नो दलबाट मन्त्रीहरूको नाम दिन पटक पटक भने पनि शीर्ष नेताहरुले मन्त्रीको नाम टुङ्गो नलगाउदा मन्त्रिपरिषद् विस्तारमा ढिलाई भइरहेको बताइएको छ ।