काठमाडौं । पछिल्लो २४ घण्टामा नेपालमा ९११ जनामा कोरोना भाइरस संक्रमण पुष्टि भएको छ ।

११ हजार १८ जनाको कोरोना परीक्षण गर्दा पीसीआर विधिबाट ८३८ र एन्टिजेन विधिबाट ७३ जनामा कोरोनाभाइरसको संक्रमण पुष्टि भएको छ ।

नेपालमा पीसीआर विधिबाट ७ लाख ७७ हजार १६३ जना र एन्टिजेन विधिबाट ८६ हजार ६९४ जनामा संक्रमण पुष्टि भइसकेको छ ।

नेपालमा हाल २६ हजार ७५७ जना सक्रिय संक्रमित रहेका छन् । जसमध्ये ४५४ जनाको सघन उपचार कक्ष र १४० जनाको भेन्टिलेटरमा उपचार भइरहेको स्वास्थ्य मन्त्रालयले जनाएको छ ।

यस्तै, कोभिड–१९ को संक्रमणबाट थप १३ जनाको मृत्यु भएको मन्त्रालयले जनाएको छ । नेपालमा मृत्यु हुनेको कूल संख्या १० हजार ९४९ रहेको छ ।

पछिल्लो २४ घण्टाको अवधिमा १ हजार ४ सय २३ जना कोरोनामुक्त भएका छन् ।

नेपालमा कूल संक्रमितमध्ये ७ लाख ३९ हजार ४५७ जना संक्रमणमुक्त भइसकेका छन् । नेपालमा निको हुने दर ९५.१ प्रतिशत पुगेको छ ।

काठमाडौं उपत्यकामा थप ३०९ जनामा कोरोना

काठमाडौं उपत्यकामा आइतबार थप ३०९ जनामा कोरोना संक्रमण पुष्टि भएको छ ।

काठमाडौं जिल्लामा सबैभन्दा धेरै १८७ संक्रमित थपिएका छन् भने भक्तपुरमा ६६ र ललितपुरमा ५६ संक्रमित थपिएको स्वास्थ्य तथा जनसंख्या मन्त्रालयले जनाएको छ ।

हाल काठमाडौं उपत्यकामा ६ हजार ४०६ सक्रिय संक्रमित छन् । जसमध्ये काठमाडौं जिल्लामा ३ हजार ३१५, भक्तपुरमा १ हजार १६२ र ललितपुरमा १ हजार ९२९ सक्रिय संक्रमित छन् ।