काठमाडौं । सर्वोच्च अदालतको आदेशका कारण अधिकृत तहको परीक्षा रोकिएको छ ।

सर्वोच्चको आदेशबाट ब्यवस्थापिका संसद, परराष्ट्र, प्रशासन र लेखापरीक्षण सेवाका राजपत्राङ्कित तृतीय श्रेणी शाखा अधिकृत वा सो सरह (अप्राविधिक) पदको योग्यताक्रम प्रकाशन तथा सिफारिस स्थगित भएको लोक सेवा आयोगका उपसचिव प्रकाश गुरुङद्वारा जारी सूचनामा उल्लेख छ ।

लोकसेवा आयोगविरुद्ध परेको रिटमा सर्वोच्चले परीक्षा जुन अवस्थामा पुगेको छ, त्यही अनुरुप रोक्न आदेश दिएको थियो ।

सर्वोच्च अदालतबाट २०७८ भदौ २५ मा संघीय मामिला तथा संघीय प्रशासन मन्त्रालयको साउन २९ र भदौ ३ को टिप्पपणी आदेश तथा निर्णय र सो बमोजिम उक्त मन्त्रालयबाट लोकसेवा आयोगका नाममा भदौ ८ मा गरिएको पत्राचार जुन अवस्थामा पुगेको छ, सोही अवस्थामा यथास्थितिमा राख्नु भनी विपक्षीहरुका नाममा सर्वोच्च अदालत नियमावती २०७४ को नियम ४९ बमोजिम अन्तरिम आदेश जारी गरिएको सूचनामा उल्लेख छ ।