काठमाडौं । जनता समाजवादी पार्टी (जसपा)का संघीय परिषद अध्यक्ष डा. बाबुराम भट्टराईले मिलेनियम च्यालेन्ज कर्पोरेसन (एमसीसी) सम्झौता छिट्टै अनुमोदन गर्नुपर्ने बताएका छन् ।

गृह जिल्ला गोरखा पुगेर डा.भट्टराईले पत्रकराहरुसँग कुरा गर्दै एमसीसीबारे पहिलो पटक सार्वजनिक रुपमा मुख खोलेका हुन् ।

पूर्वप्रधानमन्त्रीसमेत रहेका भट्टराईले अमेरिकी सहयोग परियोजना एमसीसी सम्झौता अनुमोदन गर्नु नै राष्ट्रिय हितमा हुने बताए ।

एमसीसीमा दलहरुबीच सहमति छिटो अनुमोदन गर्नुपर्ने उनले बताए । भट्टराईले आफ्नो पार्टी जसपाले निर्णय गरेर मात्रै नहुने भएकाले राष्ट्रिय सहमति गर्नुपर्नेमा जोड दिए ।

जसपाले गोरखामा आयोजना गरेको कार्यक्रममा केही ब्यवसायीसहित विभिन्न पार्टी परित्याग गरेर भट्टराईले पार्टी प्रवेश गराएका थिए ।
सोमवार मात्रै एमसीसीविरुद्ध नेत्रविक्रम चन्द विप्लव नेतृत्वको नेकपाले काठमाडौंमा विरोधसभा आयोजना गरेको थियो ।