काठमाडौँ । मोरङमा एक १६ वर्षीय बालिका गाउँपालिकाको अध्यक्ष बनेकी छन् । ५७ औं राष्ट्रिय बाल दिवसको अवसरमा बुढीगंगा गाउँपालिकाकी १६ वर्षीय बालिका सुस्मिता ऋषिदेव एक दिनका लागि गाउँपालिकाको अध्यक्ष बनेकी हुन् ।

गाउँपालिकाको अध्यक्ष बनेसँगै उनले आज वित्तीय र प्रशासनिकबाहेक सबै काम गर्ने छिन् । गाउँपालिकाले स्थानीय सरकारको काम काजका बारेमा बालबालिकालाई जानकारी गराउनका लागि यस्तो कार्यक्रम राखिएको हो ।

उक्त गाउँपालिकामा अध्यक्ष बालचन्द्र माझी रहेका छन् ।