काठमाडौँ । नेकपा (माओवादी केन्द्र)का अध्यक्ष पुप्पकमल दाहाल ‘प्रचण्ड’ले छोटो समयमा धेरै मन्त्री बनाउने पार्टी माओवादी केन्द्र भएको बताएका छन् ।

पार्टीका तत्कालीन उपाध्यक्ष पोष्टबहादुर बोगटीको स्मृति दिवसमा आयोजित कार्यक्रममा प्रचण्डले छोटो समयमा धेरै मन्त्री बनाउने पार्टी माओवादी बनेको बताए । उनले छोटो समयमा नै सय जनालाई मन्त्री बनाएको बताए ।

यस्तै उनले संविधान संशोधनका लागि सडकमा जानुपर्ने अवस्था आउन सक्ने बताए । प्रचण्डले संविधान बनाउने बेला नै आफूहरुले फरक मत राखेको बताए ।

उनले भने, ‘संविधान संशोधनका लागि सडकमा जानुपर्ने अवस्था आउन सक्छ । राजनीतिक दलहरुबीच सहमति गरेर अघि बढ्न चाहेको छु । यदी राजनीतिक दलहरुबीच सहमति हुने सकेन भने हामी सडकमा जानुपर्ने हुनसक्छ ।’ उनले आफू प्रधानमन्त्री हुँदा संविधान संसोधन गर्न संसदमा पेस गरेको बताए ।