काठमाडौँ । सरकारको बेवास्ताका कारण मुलुककै जेठो त्रिचन्द्र कलेज जिर्ण अवस्थामा पुगेको छ । २०७२ सालको महाभूकम्पले भत्काएका भवनहरु समयमै पुनर्निर्माण हुन नसक्दा ऐतिहासिक एवं पुरातात्विक महत्व बोकेको कलेजका भवनहरु भत्किएर जिर्ण अवस्थामा पुगेका छन् । भवनहरु जिर्णोद्धार हुन नसक्दा विद्यार्थीहरु जोखिम मोलेर पढ्न बाध्य छन् ।

भवनहरुमा पानी चुहिने, गाह्रो भत्किए क्षतिग्रस्त भएर ढलेको छ । कलेजका भवनको जिर्णोद्धार नगरिदिँदा बाध्य भएर कलेजको पठनपाठन सञ्चालन गरिदै आएको छ । चौथो राणा प्रधानमन्त्री चन्द्र शमशेरका पालामा वि.सं. १९७५मा त्रिचन्द्र कलेजको स्थापना भएको थियो । त्रिचन्द्र कलेजको स्थापना भएपछि नेपालमा उच्च शिक्षाको आरम्भ भएको हो ।