बुटवल । नेकपा एमालेका माहसचिव विष्णु पौडेलले प्रचण्डसँग मिलेर माधव नेपालले पार्टी कब्जा गर्न खोजेको आरोप लगाएका छन् ।

बुटवलमा एमाले जिल्ला भेलामा बोल्दै पौडेलले प्रचण्डसँग मिलेर पनि पार्टी कब्जा गर्न नसकेपछि माधव नेपाल पार्टीबाट बाहिरिएको बताए ।

एमालेमा डेढ दशकसम्म पार्टीको मुख्य नेतृत्व गरेका नेपाल पार्टीबाट बाहिरिए पनि पार्टीमा कुनै असर नगर्ने उनले दाबी गरे ।

पौडेलले माधव नेपालसहितका नेताहरुले पार्टी विभाजन नगरेको नभई कांग्रेसमा प्रवेश गरेको समेत आरोप लगाए ।

प्रचण्ड–माधवले आफ्नो सरकार ढाल्न र पार्टी फुटाउन अध्यक्ष केपी ओली र आफूसहितलाई साधारण सदस्यबाट निष्कासन गरेकोसमेत पौडेलले स्मरण गरेका थिए । पौडेल रुपन्देही जिल्लाबाट नै निर्वाचित भएका थिए ।