काठमाडौँ । सरकारले संविधान दिवसको अवसरमा हरेक वर्ष विभिन्न नामको विभूषण प्रदान गर्दै आएको छ । यस वर्ष पनि सरकारले संविधान दिवसको अवसर पारी ९ सय ३ जनालाई विभूषण गरेको छ ।

विभूषण प्रदान भएसँगै केही पत्रकारहरूले पदक नलिने घोषणा गरेका छन् । यस्तै, तत्कालीन संविधान सभाका अध्यक्ष सुवास नेम्वाङले न्यायधीहरूलाई पदक नलिन आग्रह गरे ।

तर, सरकारले प्रदान गरेको विभूषण नलिनेमा पूर्वसभामुखदेखि पूर्वप्रमुख निर्वाचन आयुक्तसमेत रहेका छन् । विं.सं. २०६७ देखि ०७५ सालसम्म सरकारले प्रदान गरेको विभूषण नलिनेहरूमा १९२ जना पुगेका छन् ।

जसमा ०६७ सालमा उज्ज्वल कीर्तिमय राष्ट्रदीपबाट सम्मानित भएका पूर्वसभामुख दमननाथ ढुंगानाले पदक लिएका छैनन् । यस्तै सोही वर्ष सुप्रवल जनसेवा श्रीबाट सम्मानित पूर्व प्रमुख निर्वाचन आयुक्त नीलकण्ठ उप्रेती रहेका छन् ।