काठमाडौं । सार्वजनिक स्थलमा कहिल्यै देखानपर्ने चर्चित लोकदोहोरी गायिका विष्णु माझीलाई संविधान दिवसको अवसर पारेर सरकारले राष्ट्रिय पदक दिने घोषणा गरेको छ ।

गायिका माझीले ‘प्रसिद्ध प्रबल जनसेवाश्री’ पदक प्रदान गरिने भएको छ । वि.सं. २०६७ सालदेखि प्रत्येक वर्ष सरकारले संविधान दिवसका दिन राष्ट्रिय पुरस्कारको घोषणा गर्दै आएको छ । तर हरेक वर्षको पुरस्कार घोषणा भने विवादित हुँदै आएको छ ।

यो वर्ष सरकारले ९ सय ३ जनालाई विभुषण गरेको छ । तर पत्रकार लगायतका विभिन्न क्षेत्रका ब्यक्तिहरुले भने पुरस्कार नलिने घोषणा गरिसकेका छन् ।

यो वर्षको तीजमा सर्वाधिक रुचाइएको चरी जेलैमा’ बोलको गीत गाएर सर्वाधिक चर्चामा आएकी गायिका माझी अभैm पनि सार्वजनिक भएकी छैनन् ।

चरी जेलैमा गीतपछि उनको निकै खोजीसमेत भएको थियो । तर पनि उनी कतै सार्वजनिक भएकी छैनन् । अहिले घोषणा गरिएको विभूषण र पदक वैशाख १ गते विशेष समारोहका साथ राष्ट्रपति विद्यादेवी भण्डारीले वितरण गर्नेछिन् ।