काठमाडौँ । सर्वोच्च अदालतमा दायर नेपाल विद्युत प्राधिकरणका कार्यकारी निर्देशक कुलमान घिसिङको नियुक्तिविरुद्धको रिट प्रधानन्यायाधीश चोलेन्द्र शमशेरको इजलासमा परेको छ ।

घिसिङलाई नियुक्त गरेको भन्दै सरकारविरुद्ध तत्कालीन कार्यकारी निर्देशक हितेन्द्रदेव शाक्यले रिट दायर गरेका थिए । उक्त रिट प्रधानन्यायाधीश आफैले हेर्ने भएको हो ।

यसअघि समेत उक्त रिट प्रधानन्यायाधीश शमशेरले आफ्नै इजालसमा राख्दै आएका थिए । तर, सुनुवाइ हुन सकेको थिएन ।

निवर्तमान कार्यकारी निर्देशक शाक्यले गत साउन ३२ गते सर्वोच्च अदालतमा रिट दायर गरेका थिए । रिटमा उनले आफूलाई गैरकानूनी रुपमा पदबाट हटाएको दाबी गर्दै यथावत राख्नु पर्ने माग गरेका छन् ।