काठमाडौं । नेपालमा बुधबार थप एक हजार ४ सय ७८ जनामा कोरोना भाइरस संक्रमण पुष्टि भएको छ।

बुधबार पछिल्लो २४ घण्टामा १३ हजार ९ सय ३० जनाको कोरोना परीक्षण गर्दा एक हजार ४ सय ७८ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टाको अवधिमा ११ हजार ६७ जनाको पीसीआर परीक्षण र दुई हजार आठ सय ६३ जनाको एन्टिजेन परीक्षण गरिएको थियो ।

नेपालमा हाल २१ हजार १३९ जना सक्रिय संक्रमित छन् ।

यस्तै, पछिल्लो २४ घण्टामा कोरोना भाइरसको संक्रमणबाट ६ जनाको मृत्यु भएको छ । योसँगै मृत्यु हुनेको संख्या ११ हजार ५९ पुगेको छ ।