काठमाडौं । नेपालबाट एशिया–प्यासिफिक एकेडेमी अफ्थाल्मोलोजी (एपीएओ) अर्वाड डा. रोहित सैंजु नेपाललाई दिने भएको छ । एपीएओले डा. शैजुलाई गत भदौं २५ गते उक्त अवार्ड प्रदान गरिएको थियो ।

सन् २००८ मा भएको एपीएओ वार्षिक बैठक पश्चात व्यक्ति विशेषको समय र योगदानको कदर गर्देै यो अवार्ड प्रदान गर्न थालिएको हो ।
डा.सैजुले सन् २००१ मा आँखा विशेषज्ञको अध्ययन बीपी कोइराला लायन्स अफ्थाल्मिक सेन्टर बाट पूरा गरे र सोहीवर्षदेखि उनी तिलगंगा आँखा प्रतिष्ठानमा आबद्ध छन् ।

सन् २००४ मा मेलबोर्न विश्वविद्यालयबाट प्लास्टिक सर्जरी विषयमा फेलोशिप गरेका थिए ।

उनले आँखाको प्लास्टिक विषयमा ३ दर्जन भन्दा बढि आँखा रोग विशेषज्ञहरुलाई तालिमप्रदान गरि अफ्नो ज्ञान, अभ्यास हस्तान्तरण गरी सकेको बताइएको छ ।

डा. सैजु ले सन् २००६ मा सिंगापुरमा २१ औं एपीएओ सम्मेलनमा पहिलो पटक भाग लिए पश्चात नियमित रूपमा सम्मेलनहरुमा आफ्नो सहभागिता जनाएर विभिन्न शैक्षिक कार्यक्रममा वक्ता, प्रशिक्षकको रुपमा डेढ दशकसम्म निरन्तर शैक्षिक योगदान गरेबापत उनलाई यो पुरस्कार प्रदान गरिएको थियो ।