काठमाडौँ । काठमाडौँ महानगरपालिका भित्रका विद्यालय आजदेखि सञ्चालनमा आउने भएका छन् । महानगरपालिकाले आवश्यक मापदण्ड पालना गराएर विद्यालय भौतिक रुपमा सञ्चालन गर्न सकिने निर्णय गरेको थियो ।

दसैँको मुखमा विद्यालय सञ्चालन गर्ने महानगरपालिकाको निर्णयको अभिभावकले आपति जनाएका छन् । महानगरपालिकाले १० गते आइतबारदेखि भौतिकरूपमा नै विद्यालय खोल्ने निर्णय बुधबार गरेको थियो । विश्वभरि फैलिएको कोरोना महामारीको दोस्रो लहरका कारण गत वैशाखको दोस्रो सातादेखि विद्यालय बन्द भएका थिए ।

भौतिकरूपमा पठान पाठन बन्द भएपछि विद्यालयले अनलाईन कक्षा लिइरहेका थिए । महानगरले शिक्षक र गाडी चालकलाई कोरोना खोप दिने जनाएको छ । यस्तै सरकारले १२ देखि १८ वर्ष उमेर समूहका बालबालिकाका लागि फाइजर र मोडर्ना कोरोना भाइरसविरुद्धको खोप दिने तयारी गरिरहेको छ ।

महानगरपालिकाले विद्यार्थी संख्याया धेरै भएका विद्यालय खोल्न अनिवार्य नगरेको जनाएको छ । महानगरपालिकाको विद्यालय खाल्ने निर्णयको अभिवाक र विज्ञले विरोध गरेका छन् । काठमाडौँमा कोरोनाको जोखिम भएकाले विद्यालय खोल्न हतार नगर्न विज्ञले सुझाव दिएका छन् ।