कठमाडौं । नेकपा एमालेको विवाद समाधान गर्न गरिएको १० बुँदे सम्झौताबारे स्थायी समितिले निर्णय गर्ने भएको छ ।

एमाले केन्द्रीय समितिको शुक्रबारबाट सुरु भएको बैठकले १० बुँदे सहमतिको जिम्मा स्थायी समितिलाई दिएको हो ।

पार्टीभित्र १० बुँदे सहमति कार्यान्वयन नभएको भन्दै नेताहरुले असन्तुष्टि जनाएपछि त्यसबारे छलफल गर्न एमालेले स्थायी कमिटी बैठक बोलाएको छ ।

आइतबार केन्द्रीय समिति बैठकपछि प्रवक्ता प्रदीप ज्ञवालीले १० बुुँदेबारे छलफल गर्न सोमबार ११ बजे स्थायी समिति बैठक बोलाएको जानकारी दिए ।

बैठकमा विधान महाधिवेशनसँग सम्बन्धित तीन दस्तावेजमा छलफल भएको थियो । छलफलका क्रममा उठेका प्रश्नहरुको नेताहरुले जवाफ दिएपछि बैठक सकिएको छ ।