काठमाडौँ । प्रधानमन्त्री शेर बहादुर देउवाले मन्त्रिपरिषद् बैठक बोलाएका छन् । प्रधानमन्त्री देउवाले सोमबार दिउँसो मन्त्रपिरिषद्को बैठक बोलाएका हुन् ।

आज बस्ने मन्त्रिपरिषद् बैठकले सरकारले दल विभाजनका लागि ल्याएको राजनीतिक दल विभाजन सम्बन्धिको अध्यादेश फिर्ता लिन राष्ट्रपति विद्यादेवी भण्डारीसमक्ष सिफारिस गर्ने बताइएको छ । अध्यादेश फिर्ता गरेर प्रधानमन्त्री देउवाले मन्त्रीपरिषद् विस्तारको तयारी गरेका छन् । आइतबार प्रधानमन्त्रीको सरकारी निवास बालुवाटारमा बसेको सत्ता गठबन्धक दलको बैठकले अध्याध्यस फिर्ता गरेर मन्त्रिपरिषद् विस्तार गर्ने निर्णय गरेको थियो ।

जनता समाजवादी पार्टी जसपाले अध्यादेश खारेज गर्नुपर्ने र एकीकृत समाजवादी पार्टीले तत्काल खारेज गर्न नहुने बताउदै आएको छ । दुई दलको अडानले मन्त्रीपरिषद् विस्तारमा ढिलाई भइरहेको थियो । सरकारले ३२ साउनमा दल विभाजन सम्बन्धिको अध्यादेश ल्याएको थियो ।