काठमाडौँ । नेपाल कम्युनिष्ट पार्टी (माओवादी केन्द्र)ले मन्त्रिपरिषदलाई पूर्णता दिन पहल गर्ने निर्णय गरेको छ । सोमवार पार्टी कार्यालय पेरिसडाँडामा बसेको स्थायी कमिटी बैठकले मन्त्रिपरिषदलाई पूर्णता दिन देखिएको कानूनी जटिलतालाई हल गरेर अगाडि बढ्न गठबन्धन बैठकमा छलफल गर्ने निर्णय गरेको हो ।

बैठकमा दल विभाजन सम्बन्धि अध्यादेश, अध्यादेश सम्बन्धि सर्वोच्च अदालतमा परिका रिटमा रहेको मुद्दाको विषयमा छलफल भएको बताइएको छ । यस्तै बैठकमा पार्टीको महाधिवेशन केन्द्रित केही क्रियाकलापको सयमतालिका हेरफेर गरेको छ ।

बैठकले सदस्यता नवीकरण गर्ने मितिलाई असोज मसान्तसम्म समय थप गरेको छ । वडा भेलाको बैठक कार्तिक १३ गते, पालिका स्तरीय भेला मंसिर ४ गते गर्ने निर्णय गरेको छ । माओवादी केन्द्रको राष्ट्रिय सम्मेलन पुस ११ गतेदेखि १३ गतेसम हुनेछ ।