काठमाडौं । हिन्दु नेपालीहरुको महान चाड बडादशैं नजिकिएसँगै काठमाडौंका मुख्य बजार क्षेत्रहरुमा चहलपहल ह्वात्तै बढेको छ ।

कोरोना संक्रमणको जोखिमका कारण लामो समयको निषेधाज्ञाका कारण सुनसान बनेका सडकमा चाप बढ्नुका साथै बजार पसलहरुमा पनि ग्राहकको भीँड बढ्न थालेको छ ।

कोरोनाका कारण थलिएको बजार क्षेत्रका ब्यापारीहरु यतिबेला ग्राहक आउन थालेपछि मुर्झाउन थालेका छन् । दशैं नदिकिँदै गर्दा देशैभरको निषेधाज्ञा हटाइएको छ भने बजार क्षेत्रमा पनि बाक्लो चहलपहल देखिन थालेको छ ।

मंगलबार काठमाडौंको न्यूरोड, असन, लगायतका क्षेत्रमा दशैंका लागि किनमेल गर्न आएका ग्राहकलाई मालसामान देखाउन ब्यापारीहरु ब्यस्त रहेका देखिन्थे ।

बजारमा किनमेल गर्न आउने ग्राहकको भीँड पनि बाक्लै देखिएको थियो ।

बजारमा चहलपहल बढेपछि ब्यापारीहरुले ग्राहकलाई आकर्षित गर्ने विभिन्न योजनाहरु पनि अघि सारेका छन् ।
हरेकजसो पसलमा विभिन्न अपरहरुका बोर्डहरु पनि देखिन थालेका छन् ।

सबैभन्दा बढी दशैंका लागि कपडा किनमेल गर्न आएका ग्राहकहरु बढी देखिएका थियो । कोरोनाले झण्डै दुई वर्षदेखि थलिएका ब्यापारीहरु चहलपहल बढेपछि हौसिएका छन् ।