काठमाडौँ । राष्ट्रपति विद्यादेवी भण्डारीले संसदबाट पारित भएका दुई विधेयक प्रमाणीकरण गरेकी छिन् ।

आर्थिक विधेयक र राष्ट्र ऋण उठाउने विधेयक बुधबार राष्ट्रपति भण्डारीले प्रमाणीकरण गरेकी हुन् ।

संविधानको धारा ११३ को उपधारा २ बमोजिम संसदको दुबै सदनको बैठकबाट पारित भइ प्रमाणीकरणका लागि पेश हुन आएका दुई विधेयक राष्ट्रपतिले प्रमाणीकरण गरेको राष्ट्रपति कार्यालयका प्रवक्ता जगन्नाथ पन्तद्वारा जारी विज्ञप्तिमा उल्लेख छ ।

तत्कालीन केपी ओली सरकारले ल्याएको बजेट प्रतिस्थापन गर्दै शेरबहादुर देउवा नेतृत्वको सरकारले आर्थिक विधेयक ल्याएको थियो ।