काठमाडौँ । सुदूरपश्चिम प्रदेशमा पछिल्लो २४ घण्टामा कोरोना भाइरसबाट दुई जनाको मृत्यु भएको छ । मृत्यु हुनेमा कैलालीका ९० र ७० वर्षीय पुरुष छन् ।

यस्तै, सोही अवधिमा २६ जनामा कोरोना पुष्टि भएको छ । यसअघि बिहीबार ३५ जनामा कोरोना संक्रमण पुष्टि भएको थियो ।

पीसीआर विधिमार्फत परीक्षण गरिएकामध्ये सेती प्रादेशिक अस्पतालमा १०, जिल्ला अस्पताल बैतडीमा ५, महाकाली र डडेल्धुरा अस्पतालमा २–२ जनामा संक्रमण पुष्टि भएको हो ।

एन्टिजेन विधिमार्फत परीक्षण गरिएकामध्ये कञ्चनपुरमा ५ र दार्चुलाका दुई जनामा संक्रमण देखिएको हो ।