काठमाडौं । दक्षिण भारतीय सिनेमामा अभिनेता नागा चैतन्य र अभिनेत्री समान्था अक्किनैनीको डिभोर्स भएको छ । समान्थाले आफ्नो सामाजिक सञ्जालमार्फत् डिभोर्स भएको पुष्टि गरेकी हुन् ।

समान्थाले इन्स्टाग्राममार्फत् नागा र उनको सम्बन्ध छुट्टिएको बताएकी छिन् । उनले लेखेकी छिन्, ‘कैयौं विचार र विमर्शपछि म र चाई (नागा चैतन्य)ले आफ्नो आफ्नो बाटो अपनाउन पतिपत्नीको सम्बन्धबाट अलग्गिने फैसला गरेका छौं । हाम्रो एक दशकभन्दा पुरानो मित्रता हाम्रो सम्बन्धको मूल हिस्सा थियो। र, मलाई विश्वास छ, हामीबीच सधैं एउटा बन्धन रहनेछ।’

डिभोर्सको कुरा पटक-पटक आउँदा पनि नागा र समान्था चुपचाप थिए । अहिले भने आफ्नो व्यक्तिगत जीवनसँग जोडिएको कुरा भएकाले मिडियाबाट टाढा रहेको समान्थाले बताएकी छिन् ।

समान्था र नागाले सन् २०१७ को अक्टोबर ६ मा विवाह गरेका थिए । विवाहको चौंथो वार्षिकोत्सव मनाउनुअघि नै दुईको बन्धन टुटेको छ ।