काठमाडौँ । बालुवाटारस्थित ललिता निवास जग्गा प्रकरणमा मुछिएका पूर्व प्रधानमन्त्रीहरू माधवकुमार नेपाल र डा. बाबुराम भट्टराईलाई किन मुद्दा नचलाएको भन्ने विषयमा आज सर्वोच्च अदालतले सुनुवाई गर्ने भएको छ । प्रधानन्यायाधीश चोलेन्द्र शमशेर र न्यायाधीश नहकुल सुवेदीको इजलासमा उक्त रिट निवेदन पेशी चढेको हो ।

वरिष्ठ अधिवक्ता बालकृष्ण न्यौपानेले दुवै पूर्व प्रधानमन्त्रीविरुद्ध मुद्दा चलाउनु पर्ने माग राखेर सर्वोच्च अदालतमा रिट दायर गरेका थिए । सोही मुद्दा सुनुवाइका लागि पेशीमा चढेको हो ।

निवेदन बमोजिम रिट जारी भए अख्तियार दुरुपयोग अनुसन्धान आयोगले ललिता निवास जग्गा अनियमितता प्रकरणमा मुछिएका पूर्व प्रधानमन्त्रीहरू नेपाल र भट्टराईको भूमिकाबारे अनुसन्धान गर्नु पर्ने हुन्छ ।