काठमाडौँ । १८ वर्षको उमेरमा विवाह गर्न पाउने व्यवस्था गर्न सांसदहरूले प्रस्ताव गरेका छन् । सोमबार प्रतिनिधिसभाको कानुन, न्याय तथा माधव अधिकार समितिको बैठकमा बलात्कारसँग सम्बन्धित कानुनबारे छलफल गर्दै सांसदहरूले कानुनले १८ वर्षमा वालिग हुने व्यवस्था गरेपछि विवाह गर्न उमेर हद तोक्नु नपर्ने धारणासमेत राखेका थिए ।

छलफलमा सांसदहरू नेपाली कांग्रेसका मीन विश्वकर्मा, लोकतान्त्रिक समाजवादी पार्टीका लक्ष्मणलाल कर्ण, नेकपा माओवादी केन्द्रका मातृका यादव र नेकपा एमाले सांसद तथा समिति सभापति कृष्णभक्त पोखरेलले विवाहको उमेर घटाउनु पर्ने प्रस्ताव राखेका हुन् ।

सांसद यादवले भने लिभिङ टुगेदरलाई समेत विवाह दर्ताअनुसार दर्ता गर्नु पर्ने धारणा राखे

हाल नेपालमा २० वर्ष नपुग्दै विवाह गर्न नपाइने व्यवस्था रहँदै आएको छ ।