काठमाडौं । प्रतिनिधिसभा सदस्य निर्वाचनअन्तर्गत जारी मतगणनामा समानुपातिकतर्फ राष्ट्रिय स्वतन्त्र पार्टी (रास्वपा)ले ४१ लाख मत कटाएको छ ।

निर्वाचन आयोगका अनुसार ८५ लाख दुई हजार ८४२ मतगणना हुँदा रास्वपाले ४१ लाख १० हजार ६९४ मत पाएको छ ।

यस्तै दोस्रो स्थानमा रहेको नेपाली कांग्रेसले १३ लाख ७७ हजार ७१७ मत प्राप्त गरेको छ । नेकपा (एमाले) ११ लाख ६२ हजार ७०२ मत ल्याएर तेस्रो स्थानमा छ ।

नेपाली कम्युनिस्ट पार्टी (नेकपा) ६ लाखनजिक पुगेको छ । चौथो स्थानमा रहेको नेकपाले पाँच लाख ९९ हजार ५९४ मत पाएको छ ।

यसैगरी श्रम संस्कृति पार्टीले ३ लाख १ हजार १२९ मत प्राप्त गरेकाे छ भने राष्ट्रिय प्रजातन्त्र पार्टी २ लाख ८२ हजार ५५ मत प्राप्त गरी छैटौँ स्थानमा रहेको छ ।