काठमाडौं । नेपाल स्टक एक्सचेञ्जमा आबद्ध कम्पनीको शेयर कारोबार मापक नेप्से परिसूचक कारोबार हुने साताको चौथो दिन बुधबार ६८ दशमलब ४७ अंकले उकालो लागेको छ ।

तीन दिन लगातार ओरालो लागेको बजार मंगलबार ४२ अंकले बढेको थियो । बजार परिसूचक अघिल्लो दिनको तुलनामा २.६२ प्रतिशतले वृद्धि भई २६८१.१० बिन्दुमा पुगेको स्टक एक्सचेञ्जले जनाएको छ ।

कूल २२७ कम्पनीको ५५ हजार ३ सय ८५ कारोबारबाट ४ अर्ब ५० करोड ६ लाख ५८ हजार १ सय ४२ रुपैयाँ बराबरको ८१ लाख ८९ हजार ८ सय ९० कित्ता शेयर किनबेच भए ।

मौद्रिक नीतिबाट आएको शेयर धितोकर्ता ४ र १२ करोडको सीमा, ब्याजदर बढाउने कारणले शेयर बजारलाई नकारात्मक प्रभाव पारेको हो ।

तरलता अभाव सिर्जना गरेर ब्याजदर बढाउने अधिकतम प्रयासमा केन्द्रीय बैंकले रोकेर रिपो जारी गरे पछि पछिल्लो समय बैंकिङ रकममा सहजता देखिएको छ ।

यसले शेयर बजारमा सकारात्मक प्रभाव पारेकाले अबका केहिदिनसम्म शेयर कारोबारमा सुधार हुने संकेत देखिएको अनुमान गर्न सकिन्छ ।