काठमाडौँ । सत्ता गठबन्धन दलका शीर्ष नेताहरूबीच बसेको बैठकबाट नेकपा एकीकृत समाजवादी पार्टीका अध्यक्ष माधवकुमार नेपाल बाहिरिएका छन् । मन्त्रिपरिषदलाई पूर्णता दिन बालुवाटारमा बसेको बैठकबाट अध्यक्ष नेपाल बाहिरिएका हुन् ।

पार्टीको सातौँ स्थायी कमिटीको बैठक बस्ने भएकाले अध्यक्ष नेपाल सत्ता पक्ष दलको बैठकबाट बाहिरिएका हुन् । स्रोतका अनुसार उनी बैठकमा साढे दुई घण्टा बसेका थिए ।

नेपालबाहेक नेताहरू भने बैठकमा नै रहेका छन् । गठबन्धन दलभित्र मन्त्रालयको भाग बण्डा मिले पनि अध्यक्ष नेपालको पक्षमा केही विषयमा छलफल हुने भएको छ ।

मन्त्रालय भाग बण्डामा अध्यक्ष नेपाल सन्तुष्ट हुन सकेका छैनन् ।